PARIMET DHE PROCESET E KOMPANISË
Politika e Integruar për
Cilësinë, Mjedisin dhe Shëndetin e Sigurinë në Punë e Industrial Wear
përfaqëson angazhimin e kompanisë për të përmirësuar vazhdimisht performancën e
saj, si për sa i përket cilësisë së produkteve dhe të shërbimeve që i ofrohen
klientit, ashu edhe për sa i përket mbrojtjes së mjedisit dhe sigurisë
e shëndetit të punëtorëve. Vënia në veprim e një Sistemi Menaxhimi të
Integruar (SMI) mundëson që të përmbushen plotësisht e vazhdimisht
pritshmëritë e klientit dhe të ketë një ndikim domethënës te ulja e ndikimit
mjedisor dhe te minimizimi i rreziqeve në vendin e punës. Ky vizion i
përgjithshëm na lejon të krijojmë bashkëveprim mes disa fazave të rëndësishme
të menaxhimit, me synimin për efektivitet dhe efikasitet global, duke adoptuar mjete
për monitorimin e proceseve dhe të aktiviteteve të kompanisë.
Industrial Wear Srl ka dashur
të ndërmarrë një proces certifikimi në bashkëpunim me markën TÜV
SÜD, që garanton efikasitetin e Sistemit të Menaxhimit të Integruar
(SMI), duke zbatuar standardet kryesore ndërkombëtare në gjithë
procesin e vlerësimit.
Vendosmëria për të ndjekur këtë objektiv të përmirësimit të përgjithshëm ka
çuar në marrjen e këtyre certifikatave të rëndësishme:
Gjithashtu, kompania ka
zgjedhur të implementojë një Sistem Menaxhimi për
Përgjegjësinë Sociale që të marrë certifikimin në përputhje me normën
SA8000. Ky është një standard ndërkombëtar që përcakton se cila duhet të
jetë sjellja etike korrekte e kompanive ndaj punëtorëve të tyre.
E vetëdijshme për rolin dhe
përgjegjësitë e saj brenda komunitetit ekonomik dhe social ku vepron, kompania
vë si objektiv të përmirësojë performancat dhe aftësitë e
përgjithshme organizative, si edhe të propozojë veten si subjekt ekselent
për sa i përket përgjegjësisë së vet sociale.
DOK_09.1_Politikë Përgjegj. Sociale_Përdits. 28.02.2025
FORM 09.6_Ankesa-Raporte SA8000 - Rishik. 3 i 28.02.2025
PROC.49_Zgjidhje për punën e të miturve - Rishik. 02 i 13.06.2023
Industrial Wear, gjithnjë e kujdesshme ndaj temave të Larmisë, Barazisë dhe Përfshirjes, ka rezultuar në përputhje me UNI/PdR 125:2022. Prandaj ka fituar certifikatën që u lëshohet kompanive që angazhohen për të nxitur dhe mbrojtur mundësitë e barabarta në vendin e punës, për të rritur mundësitë për rritje profesionale, si dhe për uljen e “gender pay gap”. Ajo nxit krijimin e një ambienti pune të përballueshëm nga ana shoqërore dhe të një kulture organizative të larmishme dhe përfshirëse, si brenda organizatës, ashtu edhe me stakeholder.
Industrial Wear përdor furnizues të regjistruar në AMFORI, ku është anëtare zyrtare. Kodi i Sjelljes amfori BSCI (Business Social Compliance Initiative) përfshin parime të përputhshmërisë ligjore, liri ortakërie dhe të drejtë për negociata kolektive, orare pune dinjitoze, shpërblim të drejtë, shëndet dhe siguri në punë. Për më tepër, anëtarët e AMFORI-t nuk duhet lejojnë asnjë formë diskriminimi, të mos ofrojnë punësim të përkohshëm, të detyrueshëm ose kundër dëshirës, si dhe të ndalojnë punën e të miturve. Gjithashtu, duhet të miratojnë masa të përshtatshme që synojnë të parandalojnë ose të minimizojnë efektet negative të proceseve të prodhimit në komunitet, në burimet natyrore dhe në mjedisin në përgjithësi. Të qenit në përputhje me kodin BSCI tregon përkushtimin e kompanisë për një menaxhim etik të punës në të gjithë zinxhirin e furnizimit.
SATRA është një organizatë e pavarur kërkimore dhe testuese, e themeluar në Mbretërinë e Bashkuar në vitin 1919. Pasi u bë një organ i deklaruar sipas direktivave dhe rregulloreve të ndryshme britanike/evropiane, sot konsiderohet një autoritet lider për verifikimet teknike të pajisjeve mbrojtëse individuale (PMI), veçanërisht të këpucëve dhe të artikujve prej lëkure. Anëtarët e SATRA-s kanë qasje ekskluzive për metoda testimi dhe kërkimi, konsulenca, trajnim teknik dhe akreditim. Anëtarësia në SATRA konfirmon dëshirën e Industrial Wear për të garantuar standarde cilësie të larta.
Që nga viti 2019, Industrial Wear është anëtare e UNI-t, Organi Kombëtar i Unifikimit Italian. Është një shoqatë private jofitimprurëse që ushtron veprimtari standardizimi teknik në të gjithë sektorët industrialë, tregtarë dhe të shërbimeve, me përjashtim të sektorëve elektroteknik dhe elektronik. Përfaqëson Italinë në aktivitetet e standardizimit të organizmave ndërkombëtarë ISO dhe CEN. Kur je anëtar i UNI-t mund të marrësh informacione paraprakisht, si dhe të marrësh pjesë për të përcaktuar rregulla në sektorin ku vepron.
Vlerësimi i Ligjshmërisë është një tregues përmbledhës që lëshon Autoriteti Garantues i Konkurrencës dhe i Tregut (AGKT), në marrëveshje me Ministrinë e Brendshme dhe të Drejtësisë të Shtetit Italian. Ai vërteton shkallën e respektimit të standardeve të larta të ligjshmërisë dhe të vëmendjes që i kanë kushtuar menaxhimit korrekt të biznesit të tyre kompanitë që e kanë kërkuar atë. Synon të promovojë dhe të futë vlera etike në ushtrimin e aktiviteteve të biznesit. Vlerësimi që jepet është minimumi një yll dhe maksimumi tre yje, për ato kompani që plotësojnë të gjitha kërkesat.
Në vitin 2025,
Payper ka marrë medaljen e argjendtë EcoVadis, duke u
renditur ndër 15% të kompanive më të mira për sa i përket përballueshmërisë
(89° përqind). Ky çmim është një shpërblim për angazhimin tonë të vazhdueshëm
për të siguruar një sistem të fuqishëm menaxhimi mjedisor, etik dhe
social. Një arritje që konfirmon angazhimin tonë konkret dhe të vazhdueshëm
për të përmirësuar praktikat gjithnjë e më të përballueshme të kompanisë.