PAJISJE TË MBROJTJES INDIVIDUALE
Artikujt Work & Safety PAYPER janë certifikuar në përputhje me Rregulloren (UE) 2016/425 për PMI (Pajisje të Mbrojtjes Individuale) në fuqi nga 21 prilli 2018 ose me Direktivën e mëparshme evropiane 89/686/KEE të shfuqizuar, por të vlefshme deri më 21 prill 2023 për produktet tashmë në treg.
PMI
VESHJE PUNE
KËRKESA TË PËRGJITHSHME EN ISO 13688
Kërkesat e përgjithshme që rregullojnë klasifikimin e veshjeve të punës gjenden në standardin EN ISO 13688. Standardi specifikon kërkesat performuese të përgjithshme për ergonominë, parrezikshmërinë, përcaktimin e masave, vjetërsimin, pajtueshmërinë e markimin e veshjeve mbrojtëse dhe informacionet që fabrikuesi duhet të sigurojë me veshjet mbrojtëse. Standardi ka si qëllim që të përdoret bashkë me standarde të tjera që përmbajnë kërkesa performuese specifike. Më poshtë jepen piktogramet që gjenden në katalog dhe rregullat specifike.
EN ISO 13688
DOREZA
KËRKESA TË PËRGJITHSHME EN 21420
Kërkesat e përgjithshme që rregullojnë dorezat mbrojtëse nga rreziqet e punës përfshihen në standardin vijues. Standardi përcakton kërkesat e përgjithshme për dorezat mbrojtëse nga pikëpamja e dizajnit dhe e fabrikimit, parrezikshmërisë, rehatisë dhe efikasitetit, markimit dhe informacionit. Standardi mund të zbatohet edhe për mëngët mbrojtëse për parakrah apo krah. Disa doreza të dizajnuara enkas për aplikime të veçanta rregullohen nga standarde të tjera specifike.
EN 388: MBROJTJE NGA RREZIQE ME NATYRË MEKANIKE
EN 407: MBROJTJE NGA RREZIQE TERMIKE (NXEHJE DHE FLAKË)
EN 12477: MBROJTJE PËR SALDIM
EN 511: MBROJTJE NGA I FTOHTI
EN ISO 374: MBROJTJE KUNDËR SUBSTANCAVE KIMIKE DHE MIKROORGANIZMAVE
ANSI – ISEA 105-2016
Për disa doreza, përveç certifikimeve në përputhje me Rregulloren (UE) 2016/425, parashikohet edhe certifikimi ANSI-ISEA. Instituti Kombëtar Amerikan i Standardeve (ANSI), organizatë private jofitimprurëse, dhe Shoqata Ndërkombëtare e Sigurisë së Pajisjeve (ISEA), një shoqatë tregtare e prodhuesve të pajisjeve mbrojtëse personale, përcaktojnë së bashku standardet industriale për Shtetet e Bashkuara, të njohura gjithashtu në nivel botëror. Metodat e testimit të marra si referencë janë vendosur nga ASTM International (Shoqëria Amerikane për Testime dhe Materialet Ndërkombëtare).
Ashtu si për certifikimin “Rezistencë ndaj prerjes EN ISO 13997” të Rregullores së BE-së, kontrollet janë bërë përmes tomodinamometrit - TDM Test, por treguesi i matjes nuk është Njuton, por Gram, si në tabelën vijuese.
5.1.1 : REZISTENCË NDAJ PRERJES (ASTM F2992-15)
Testi i gërvishtjes mat sa është në gjendje një dorezë që të rezistojë kur humbet material nga fërkimi me sipërfaqe të ashpra. Sa më i madh të jetë numri i xhirove të treguara, aq më e madhe është rezistenca ndaj gërvishtjes. Gurët gërvishtës kanë një ngarkesë vertikale prej 500 g për nivele nga 0 deri 3, dhe një ngarkesë prej 1000 g për nivele nga 4 deri 6.
5.1.4 : REZISTENCË NDAJ GËRVISHTJES (ASTM D3389-10 - ASTM D3884-09)
KËPUCË TË SIGURISË
EN ISO 20344 METODOLOGJIA E TESTIMIT DHE KËRKESAT E PËRGJITHSHME
Standardi EN ISO 20344 përcakton kërkesat bazë dhe, aty ku është e përshtatshme, metodat e testimit për të verifikuar që, këpucët e krijuara për të mbrojtur shputat dhe këmbët nga rreziqe të parashikueshme në sektorë të ndryshëm të punës, të përputhen me këto kërkesa. Standardi mund të përdoret vetëm bashkë me standardet EN ISO 20345, EN ISO 20346, EN ISO 20347, që përcaktojnë kërkesat për këpucët sipas niveleve specifike të rrezikut.
KLASIFIKIMI I KËPUCËVE
Lloj I. Këpucë prej lëkure dhe materiale të tjera, me përjashtim të produkteve polimerike.
Lloj Il. Këpucë tërësisht prej gome ose krejtësisht polimerike, pra që nuk i përshkon uji dhe të projektuara për ata që duhet të veprojnë në mjedise ku ka ujë, baltë ose lëngje.