Bëj për të krijuar / Ji për të ndarë / Fluturo për të ëndërruar: Këto janë vlerat që udhëheqin grupin Payper dhe që përshkojnë të gjithë zinxhirin e prodhimit, sepse te kesh njohuri për të krijuar produkte të reja, t’i ndash me të tjerët dhe të ëndërrosh për të ardhme të reja e gjithnjë më sfiduese është një mision përfshirës që realizohet falë kontributit pozitiv e të përgjegjshëm të të gjithë personave dhe partnerëve të përfshirë. Për këtë arsye ka shumë vite që Payper ka përfshirë në qeverisjen e vet temat e Përgjegjësisë Shoqërore të Kompanisë, duke ndërmarrë një rrugë të frytshme me certifikime ndërkombëtare dhe praktikat më të mira që synojnë një zhvillim cilësor, të pranueshëm dhe etik. E gjithë kjo prodhon aftësinë për të integruar aktivitetet e biznesit, duke respektuar dhe mbrojtur interesat e komuniteteve me të cilat lidhet, por edhe burimet mjedisore për brezat e ardhshëm.

Grupi Payper bashkëpunon ekskluzivisht me furnizues-prodhues që janë përzgjedhur me kalimin e kohës përmes vlerësimit të dy faktorëve: nivelit të lartë të standardeve cilësore të produktit dhe vëmendjes ndaj kushteve të punës të pranueshme dhe të përgjegjshme shoqërore. Zyrat teknike monitorojnë vazhdimisht situatën përmes kontrolleve të drejtpërdrejta dhe auditimeve të porositura tek ente të pavarura ndërkombëtare në mënyrë që prodhuesit të respektojnë standardet e larta të treguara nga këto rregulla dhe certifikime.

Objektivi afatmesëm i kompanisë është të arrijë 100% prodhimin e veshjeve etike të certifikuara, përmes një zinxhiri tërësisht të kontrolluar nga lëndët e para, deri te proceset dhe te prodhimi i përfunduar.

Tashmë sot, duke u bashkuar me programin Zero Shkarkim të Kimikateve të Rrezikshme, i gjithë prodhimi Payper futet në parametrat e rregullores evropiane REACH (CE nr. 1907/2006) që regjistron, vlerëson, autorizon dhe kufizon përdorimin e substancave kimike. Parashikohet edhe dalja e linjave të reja të bluzave “t-shirt” e bluzave të pushta të bëra me pambuk të prodhuar sipas kritereve të përballueshmërisë të organizatës jofitimprurëse Better Cotton, qëllimi i së cilës është që prodhimi botëror i pambukut të jetë më i përballueshëm për mjedisin dhe për njerëzit e përfshirë në procesin e përpunimit.

Grupi Payper ka vënë në jetë zgjidhje për të zvogëluar lëshimin e CO2: në fakt selia ushqehet 100% nga energji e ripërtëritshme (diellore) dhe janë zgjedhur kompani transporti, ajrore dhe detare të gjeneratës së fundit me konsum energjetik dhe ndikim mjedisor të ulët.

Njerëzit dhe mirëqenia e komunitetit janë në qendër të vizionit të përgjegjshëm të grupit Payper që gjithnjë ka vepruar për të respektuar mundësitë e barabarta, shumëkulturizmin, tutelën e shëndetit dhe mirëqenien e punëtorit dhe familjes së tij. Çdo vit kompania mbështet me një fond vullnetar shpenzime që kanë të bëjnë me studimin, formimin dhe kurat mjekësore te specialisti. Ofron gjithashtu pajisjet e veta për iniciativa me interes social e publik, si ekspedita shkencore, ndihma humanitare për Kryqin e Kuq e popullatat e goditura nga fatkeqësi natyrore dhe manifestime sportive për të rritur sensibilizimin për parandalimin dhe kërkimet mjekësore.