Payper lind nga një ide e familjes Valentini që e frymëzuar nga jeta shembullore e mikut pilot-shpëtues, vendos t’i dedikohet prodhimit të veshjeve për punë dhe veshjeve për firma të dizajnuara që të lehtësojnë lëvizjet e personit, ta mbrojnë e ta pajisin me veshje të bëra me kujdes sidomos nga ana estetike, tipike e stilit italian. Rritja në përmasa të mëdha dhe specializimi i zhvilluar me kalimin e kohës bëjnë që në vitin 2003 të lindë Industrial Wear (Veshjet industriale), me objektiv industrializimin e përvojave të mëparshme, zgjerimin e katalogut të produkteve, shtimin e shërbimeve dhe fitimin e kuotave të reja në treg. Më 2006, pasi mbuloi të gjithë territorin italian, kompania ndërmori zhvillimin e eksportit, duke arritur në pak vjet të mbulojë të gjitha
tregjet kryesore evropiane. Sot ka një katalog me mbi dymijë artikuj, të cilësuar nga patenta dhe certifikime të shumta, që çdo vit u bashkëngjiten më shumë se pesëdhjetë krijime të reja nga zyra italiane R&D, gjithmonë në
kërkim të zgjidhjeve të reja estetike dhe funksionale. Prodhimet i menaxhon dhe i kontrollon me kujdes për cilësinë drejtpërdrejtë personeli i zyrave teknike të ngritura në pjesë të ndryshme të botës. Në vitin 2017 u inaugurua selia e re, një seli moderne që prodhon energji të ripërtëritshme, e pajisur me një sallë ekspozuese prej 800 m² ku mund të shihet i tërë koleksioni Payper dhe një magazinë me impiante logjistike inteligjente nga më të fundit.

Payper është një kompani italiane, dhe ndërkombëtare në të njëjtën kohë, që ka fituar përvojë të madhe në fushën e zhvillimit të modeleve, të furnizimit të lëndëve të para dhe të prodhimit të veshjeve të punës profesionale e të përditshme, me një pikësynim tepër të qartë: performanca e punëtorëve të jetë më e sigurt, më praktike dhe më tërheqëse. Çdo hap i aktivitetit të kompanisë karakterizohet nga një zgjedhje e cilësisë. Kontrolli total i gjithë procesit prodhues, nga dizajni te logjistika, mundëson arritjen e standardeve të larta dhe të garantuara me kalimin e kohës. Koleksionet Payper janë zhvilluar nga një ekip italian R&D, shumë kreativ dhe ekspert. Kontrollohet gjithçka në imtësi, nga kërkimi, stili, zhvillimi dhe paketimi. Prodhimet realizohen në stabilimente partnere në pjesë të ndryshme të botës dhe janë të certifikuara sipas parametrave ndërkombëtarë të mbrojtjes, sigurisë dhe përgjegjësisë shoqërore. Zyrat tona teknike, të përbëra nga profesionistë të punësuar drejtpërdrejt, janë vendosur në zona të ndryshme prodhuese dhe, në bashkëveprim total me repartin italian Lab&Quality, sigurojnë respektimin e  standardeve prodhuese dhe të kushteve të punës.

Payper ka qenë gjithnjë e vëmendshme ndajnovacionit teknologjik, prandaj renditet mes shkëlqesive evropiane të këtij sektori. Në selinë e re, të inauguruar më 2017-n, Payper ka vënë në veprim zgjidhjet më të fundit në sektorin e logjistikës që integrojnë sisteme menaxhimi me teknologji prodhuese robotike të reja. Këto shërbejnë për të garantuar cilësinë mjedisore të impianteve dhe mirëqenien e punës së punëtorëve dhe, në të njëjtën kohë, përmirësojnë kohën e menaxhimit të porosive dhe rritin prodhueshmërinë. I tërë procesi ka një nivel të lartë kodifikimi, duke eliminuar çdo mundësi gabimi.

Payper vepron si partner i kompanive dhe për këtë qëllim ka strukturuar shërbime që përmirësojnë dhe optimizojnë çdo shkëmbim me klientët. Ekipi ekspert i shitjeve në terren, shërbimi i klientëve shumëgjuhësh, departamenti i marketingut dhe i grafikës së kompanisë i dedikohen çdo ditë ndërtimit të një marrëdhënie të ngushtë e jetëgjatë me klientët. Platforma e porositjes në internet, e disponueshme në adresën payperwear.com, ofron një sistem të shpejtë që kursen kohë, ku mund të verifikohet menjëherë stoku i mallrave të disponueshëm për momentin, partitë e mallit në ardhje dhe përpunimi i porosisë brenda 24 orëve. Siti payperwear.com lejon që të përditësoheni me të gjitha të rejat, ofertat, aktivitetet promovuese dhe Përzgjedhësi i Pamjes i efektshëm lejon të shihni në kohë reale pamjen përfundimtare të veshjeve të zgjedhura, për një shërbim vërtet unik.