Pad Ultralite: mbushje e lehtë dhe që të mbështjell

Për kë dëshiron një xhup të lehtë që lejon të lëvizësh mjaft lirshëm dhe ngroh aq sa duhet, Payper ka projektuar mbushjen novatore Ultralite. Është kombinim i një pëlhure soft-shell me 2 shtresa, një shtresë fibrash sintetike kompakte por e lehtë, dhe i një astari të brendshëm të hollë.

Nga ky bashkim i veçantë lindin xhupat e rinj funksionalë dhe të gjithanshëm, perfekt për t’u veshur në çdo mot, nga temperaturat e para të ftohta të vjeshtës deri në temperaturat e para të ngrohta të pranverës.

Çfarë dallimi ka mes Soft-shell Ultralite Pad dhe Soft-shell Pad klasik?

Ashtu si Soft-shell Pad, edhe Pad Ultralite kanë një pëlhurë teknike të jashtme, rezistente ndaj ujit dhe elastike, të pasuruar me një membranë të brendshme që garanton transpirim të shkëlqyer. Këto të fundit, meqë janë menduar për temperatura të buta, nuk e kanë shtresën e brendshme tipike prej mikropile. Mbushja origjinale që karakterizon Pad Ultralite, vetëm 100g/m2 në vend se 160g/m2, ka një dizajn me breza mbushës më të ngushtë, por me një nivel të mirë termoizolimi. Këto detaje i bëjnë xhupat shumë më të lehtë dhe praktikë.

Çfarë kanë të përbashkët soft-shell me mbushje normale me soft-shell me mbushje të lehtë?

Ndërtimi i ndryshëm nuk ndikon te performancat kryesore teknike. Në fakt, vlerat WP (rezistenca ndaj depërtimit të ujit) dhe WVT (kapaciteti i transpirimit) nuk ndryshojnë.

Po ashtu, nuk ndryshojnë elasticiteti i pëlhurës së jashtme dhe i tërë veshjes. Madje, ngaqë është më i lehtë, përdoruesi lëviz më kollaj dhe shfrytëzohet më mirë fleksibiliteti i mundshëm i pëlhurës së jashtme.

Artikujt e parë të koleksionit Pad Ultralite.

Ky propozim i ri debuton me rishikimin e CREEK PAD, një nga soft-shell pad kryesorë të katalogut Payper, i cili bëhet CREEK PAD ULTRALITE. Stili i detajeve dhe i aksesorëve nuk ndryshon, por është rishikuar disi modeli që forma e përgjithshme të përshtatet me mbushjen e lehtë.

Kësaj i shtohet CREEK PAD VEST ULTRALITE, pra versioni jelek, për ata që duan të lëvizin akoma më lirshëm në mjedise të brendshme dhe të jashtme.