Safety gloves

SAFETY: për duar të mbrojtura dhe performuese

Gama e Dorezave Payper zgjerohet me artikuj të rinj, me performancë edhe më të lartë. Projektuar për të shoqëruar profesionistët dhe punëtorët në çdo aktivitet, nga më i thjeshti deri te më kompleksi. Atë e dallojnë dy koleksione: P/Plus dhe Gionny Wings. Të ndryshme në dizajn dhe teknologji, kanë të njëjtin objektiv: të garantojnë mbrojtje, siguri, rehati dhe performancë të shkëlqyer, me pajisje të besueshme, funksionale dhe specifike për çdo nevojë.

P/Plus: përsosmëria bëhet standard

Koleksioni i dorezave P/Plus karakterizohet nga cilësia e materialeve, tjerrja e hollë dhe fleksibël, performanca e shkëlqyer, përdorimi preciz dhe lyerja transpiruese me mikroshkumë nitrili ose lateksi. Ato i nënshtrohen kryesisht trajtimit novator Sanitized®. Gjithashtu, falë përdorimit të paketimit lehtësisht të riciklueshëm, përfaqësojnë një hap të rëndësishëm në fushën e përballueshmërisë.

Llojet e dorezave Payper Plus:
Dorezat P/Plus ndahen në 6 linja: P/Hero, P/Impact, P/Ice, P/Cut, P/Touch, P/Feel.

Dorezat kundër goditjeve P/HERO, me qepje të vazhdueshme, dhe P/IMPACT janë projektuar për të ofruar mbrojtje specifike kundër goditjeve dhe shtypjeve, falë përforcimeve në kurrizin e dorës që nuk pengojnë manovrimin dhe ergonominë.

Modelet kundër ftohjes P/ICE kombinojnë mbushjen e brendshme me tjerrje të rehatshme dhe fleksibël për të mbrojtur duart edhe në ambiente me temperatura të ulëta.

Dorezat antiprerje P/CUT karakterizohen nga një fibër sintetike me performancë të lartë me bazë HPPE. Sigurojnë rezistencë të lartë ndaj prerjeve nga objekte të mprehta ose me majë dhe janë njëkohësisht të lehta dhe të rehatshme.

Së fundi, dorezat kundër gërryerjes P/TOUCH dhe P/FEEL janë bërë me tjerrje veçanërisht të hollë dhe elastike, për të siguruar fleksibilitet dhe butësi të lartë. Bashkë me lyerjen me mikroshkumë nitrili ndihmojnë që puna të bëhet kollaj, sepse e gjithë dora kap mirë dhe është jashtëzakonisht rehat e transpiruese.

Gionny Wings: të gjithanshme sipas traditës

Marka historike Gionny Wings, gjithnjë sinonim i rehatisë, i rezistencës dhe i besueshmërisë, zgjeron gamën e dorezave me qëllim që të mbrojë dhe të përmirësojë punën e atyre që i veshin, duke ofruar produkte me cilësi të shkëlqyer. Një koleksion i gjithanshëm dhe që mund të përdoret në shumë fusha:

Doreza lëkure: të menduara për përdorime të shumta, janë të forta dhe rezistente;

Doreza për saldim: ideale për saldime dhe për mbrojtje nga nxehtësia e spërklat e metalit të shkrirë;

Doreza që i rezistojnë të ftohtit: të bëra për përpunimin e objekteve në temperaturë të ulët;

Doreza antiprerje: të menduara për përpunimin e objekteve të mprehta ose të mprehura;

Doreza të lyera: rezistente ndaj gërryerjes dhe me kapje të shkëlqyer, janë të përshtatshme si për aktivitete të lehta ashtu, edhe për përpunime të rënda;

Doreza industriale: ofrojnë një barrierë të efektshme kundër substancave kimike dhe mikroorganizmave;

Doreza njëpërdorimshme: të bëra për të lehtësuar aktivitetet laboratorike dhe të përditshme ku ka rreziqe kimike dhe/ose mikrobiologjike;

Doreza për rreziqe minimale dhe nëndoreza: që mund të përdoren për përpunime të lehta dhe si mbrojtje shtesë.

Teknologjitë e dorezave Payper

Dorezat tona ndryshojnë nga njëra-tjetra për sa u përket karakteristikave dhe teknologjive. Koleksioni i dorezave P/Plus dallohet për cilësinë e jashtëzakonshme dhe për kërkimin e zgjidhjeve novatore që e bëjnë punën shumë më të sigurt dhe praktike. Në fakt, lyerja novatore me mikroshkumë nitrili bën që dorezat të puthiten mirë me duart për një kohë të gjatë, duke i lënë të thata ato. Llojet e ndryshme të lyerjes (e lëmuar ose me efekt rëre) e bëjnë të plotë këtë koleksion, sepse i përgjigjet çdo nevoje. Për më tepër, veçoria touchscreen e disa modeleve mundëson përdorimin e pajisjeve elektronike me ekran.

Vlera dalluese e dorezave Payper Plus, si edhe për disa modele Gionny Wings, është trajtimi Sanitized® që, falë një veprimi antibakterial të efektshëm, parandalon formimin e erës së keqe që shkaktojnë bakteret dhe djersa. Faktikisht, dorezat Payper janë shumë transpiruese dhe bëjnë që duart të jenë të freskëta dhe të thata. Gjithashtu, tjerrja e lehtë garanton ndjeshmëri të mirë prekëse dhe, si rrjedhojë, precizion të padiskutueshëm. Shumica e këtyre modeleve ofrojnë gjithashtu rezistencë të shkëlqyer ndaj gërryerjes, falë strukturës së tyre të fortë që parandalon konsumimin dhe shqyerjet.

Së fundi, të gjitha modelet kanë nivelin më të lartë të përdorimit kollaj (5 nga 5), duke siguruar një kapje të lehtë edhe të objekteve të vogla.

Për një përmirësim të vazhdueshëm, disa teknologji të përmendura janë përdorur edhe në disa doreza të koleksionit Gionny Wings, mes të cilave niveli më i lartë i përdorimit kollaj, lyerja me mikroshkumë nitrili dhe trajtimi Sanitized®.