Zgjedhja ideale për të punuar në mënyrë të sigurt

Veshjet e punës që mbrojnë nga shumë rreziqe luajnë një rol themelor në shumë sektorë të punës, veçanërisht në ato me rrezik të lartë. Për t’iu përgjigjur më së miri këtyre nevojave, në katalogun Payper, linja Multipro pasurohet me prezantimin e PMI-ve të reja të kategorisë së tretë, të prodhuara me materiale novatore, me certifikim pesëvalent dhe gjashtëvalent, për të garantuar mbrojtje totale. Në veçanti, oferta jonë përbëhet nga xhaketa FENCE dhe pantallonat DEFENSE e DEFENSE REFLEX që të kombinuara bashkë përbëjnë një zgjidhje moderne për ata që kërkojnë mbrojtje pa kompromis.

Çfarë janë veshjet e punës që mbrojnë nga shumë rreziqe?

Me “veshje që
mbrojnë nga shumë rreziqe” ose “veshje shumë-standardëshe” e kemi fjalën për
veshje të certifikuara për fusha përdorimi të ndryshme. Pra, që janë të
përshtatshme për ata që punojnë në mjedise ku ekspozohen ndaj rreziqeve të
shumta. Në fakt, këto PMI karakterizohen nga një copë antiflakë, antistatike
dhe antiacide, si dhe janë certifikuar për të mbrojtur nga efekti
termik i harkut elektrik dhe prej rreziqeve që vijnë nga saldimet dhe
punë të tjera të ngjashme. Të njëjtat veti sigurohen edhe nga aksesorët që
plotësojnë veshjet.

Përveç që sigurojnë një mbrojtje maksimale, duke mundësuar që
përdoruesit të punojnë në mënyrë të sigurt, veshjet tona reflektojnë një
vëmendje unike ndaj dizajnit. Ky ka qenë gjithnjë një aspekt dallues i markës
Payper që ka pasur aftësi të kombinojë stilin, prakticitetin,
funksionalitetin dhe komoditetin.

Cilat standarde rregullojnë këto veshje?

Legjislacioni evropian përcakton kriteret e përputhshmërisë për veshjet e punës shumë-standardëshe në bazë të rrezikut në sektorë pune të caktuar. Për të certifikuar përputhjen e PMI-ve tona me standardet e sigurisë, laboratori i brendshëm i Payper-it i projekton dhe i zhvillon të gjithë artikujt në bazë të kërkesave dhe më pas kryen testet e nevojshme për të marrë certifikatat. Qëllimi është që të përputhen gjithnjë me standardet më të larta të sigurisë. Standardet që rregullojnë veshjet tona për mbrojtje nga shumë rreziqe janë këto:

Xhaketa për mbrojtje nga shumë rreziqe FENCE dhe pantallonat për mbrojtje nga shumë rreziqe DEFENCE REFLEX janë certifikuar edhe për një standard të gjashtë: EN 17353:2020. Në fakt, të dyja janë projektuar me shirita mbrapareflektues, kështu kush i vesh shihet më mirë.

Si të zgjedhësh veshjet MULTIPRO?

Payper i ka kushtuar gjithmonë vëmendje të veçantë veshjeve të punës, sepse shtysa që e udhëheq është të garantojë sa më mirë sigurinë e përdoruesit gjatë punës. Për këtë qëllim, që nga fillimi, i kemi kushtuar burime dhe aftësi projektimit dhe zhvillimit të PMI-ve për mbrojtje ndaj shumë rreziqeve. Synimi ka qenë që me kalimin e kohës të perfeksionojmë dhe të pasurojmë ofertën tonë, duke ofruar veshje gjithnjë e më të strukturuara dhe performuese, në përputhje me standardet më rigoroze ndërkombëtare.

Ndër veshjet MULTIPRO të pranishme në katalogun Payper keni mundësi të zgjidhni veshje në bazë të nevojave dhe standardeve specifike. Gama përfshin xhaketa të mbushura ose pa astar, si dhe veshje të bëra me copë fluoreshente ose njëngjyrëshe.

Cilët janë artikujt MULTIPRO Payper?

Veshja MULTIPRO e Payper është pasuruar me prezantimin e një xhakete pa
astar, me copë antistatike, antiflakë, rezistente ndaj harkut elektrik dhe
agjentëve kimikë, përveç që është perfekte për ata që saldojnë. Në fakt,
FENCE përfaqëson përkryerjen për sa i përket mbrojtjes dhe komoditetit. Mundëson
që ngarkesat elektrostatike të shpërndahen vazhdimisht në mënyrë të shkëlqyer,
duke garantuar kështu siguri maksimale në ambiente me rrezik të lartë. Nëse
vishet me pantallonat DEFENSE REFLEX, të bëra me të njëjtën copë dhe me
të njëjtat veti, garanton mbrojtje gjashtëvalente, pra përmirësim të
dukshmërisë. Së bashku përfaqësojnë uniformën ideale.

Familja kompletohet me pantallonat DEFENSE, me një dizajn po aq të fortë
dhe komod, ideale për ata që nuk kanë nevojë për shirita mbrapareflektues.

Të gjithë artikujt që mbrojnë nga shumë rreziqe kanë një etiketë me standardet,
për të njohur menjëherë performancën e secilit artikull.

Përfundime

Zhvillimi i veshjeve që mbrojnë nga shumë rreziqe do të thotë investim në sigurinë dhe mirëqenien e punëtorëve. Zgjedhja për të veshur këto veshje siguron mbrojtje të avancuar dhe rehati afatgjatë. Për më tepër, testet e kryera zbulojnë aftësinë e disa veshjeve për t’i rezistuar edhe larjes industriale në 75°C dhe larjes shtëpiake në 60°C. Për të ruajtur performancën e lartë të copës, të aksesorëve dhe të veshjeve në tërësi, rekomandojmë të mos i personalizoni ose t’i modifikoni ato. Në fakt, për të garantuar mbrojtje të pandryshuar, e vetmja metodë e mundshme personalizimi është stampimi, në një sipërfaqe jo më të madhe se 10 cm².

Investimi në cilësinë e copave dhe në njohuritë më të fundit na lejon t’u përgjigjemi në mënyrë adekuate nevojave të të gjithë punëtorëve, veçanërisht atyre që punojnë në ambiente pune me rrezik të lartë. Misioni ynë është t’i pajisim dhe t’u ofrojmë mundësinë që të krijojnë veshje pune që plotësojnë më së miri nevojat e tyre, duke u ofruar mundësi edhe për të krijuar uniforma të mirëfillta, në përputhje me standardet dhe në siguri absolute.