Si të zgjedhësh xhaketën e duhur

Udhëzues i shpejtë për të zgjedhur xhaketën perfekte për stil dhe funksionalitet

Nëse njeh kompaninë tonë ose i ke hedhur një sy faqes së internetit, do të kesh vënë re një gamë të gjerë xhaketash për të zgjedhur.
Koleksioni ynë përmban nga modele të menduara për aktivitete profesionale në të tjera, më kazuale, të përkryera për t’u veshur në çdo rrethanë.

Katalogu Payper ofron një gamë të gjerë xhupash dhe jelekësh të ndarë në: 4-season, Soft-shell, Casual Jacket, Down Jacket, Work Jacket, Soft-shell të mbushur

Si të zgjedhësh xhaketën e duhur?

Çdo stinë ka temperaturën e vet por, kur duhet blerë një veshje e sipërme, sidomos nëse është bërë mirë si xhaketat tona, nuk merret parasysh vetëm kjo. Për të zgjedhur është e rëndësishme të merret parasysh edhe ku do të përdoret, nevojat, materiali dhe, në fund, por jo më pak i rëndësishëm, stili. Për këtë arsye, duam të ofrojmë një udhëzues të shpejtë që të vlerësosh plotësisht veçoritë e xhaketave Payper dhe të zgjedhësh atë të duhurin për çdo aktivitet. Faktikisht, për një xhaketë pune zakonisht zgjidhet një veshje më e strukturuar dhe më e efektshme, ndërsa për një veshje të sipërme kazuale preferohet diçka praktike dhe me dizajn. Ndërsa veçoritë izoluese e drejtojnë zgjedhjen drejt komoditetit termik që dëshirohet.

Çfarë xhakete të veshësh në pranverë-vjeshtë?

4-Season: xhaketa praktike kundër erës

Xhaketat 4-season janë zgjedhje ideale për kë kërkon një veshje të shumanshme e të lehtë dhe që zë pak vend. Kanë një prerje sportive dhe janë bërë me materiale të buta e elastike, si najloni taslon, që t’i rezistojnë shiut dhe erës. Këto xhaketa pa astar janë një aleat ideal në ditë të buta e mot të ndryshueshëm dhe garantojnë transpirim dhe liri lëvizjeje. Ka nga dizajne më lineare si ATLANTIC 2.0, në artikuj më të strukturuar si PACIFIC R. 2.0, i zbukuruar me zinxhir dyngjyrësh, kapuç të modeluar dhe mansheta të rregullueshme. Edhe të tilla veshje të lehta kanë detaje praktike të brendshme, shenjë dalluese e ADN-së së Payper.

Soft-shell: Xhaketa teknike për çdo punë.

Xhaketat Soft-shell janë bërë që të mbrojnë nga shiu e era, dhe ta mbajnë trupin gjithnjë të ngrohtë e të thatë. Xhaketat soft-shell me 3 shtresa përbëhen nga jashtë prej një pëlhure teknike rezistente ndaj ujit dhe elastike që ka përbrenda një membranë qendrore, e cila garanton transpirim të shkëlqyer. Kësaj i shtohet një mikorpile e brendshme për të ofruar butësi dhe ngrohtësi. Këto veshje të sipërme janë perfekte për t’u veshur jashtë, gjatë aktiviteteve intensive aerobike, sepse mbrojnë mirë dhe çlirojnë siç duhet avullin e trupit. Me stile të ndryshme, kazuale si STORM, sportive si EXTREME, profesionale si PERFORMER 2.0, këto xhaketa janë bërë veshje të domosdoshme si për punë, ashtu edhe për kohën e lirë. Një version më i lehtë, për aktivitete në ambiente të mbyllura ose kur nuk ka nevojë për performancë të lartë, janë xhaketat soft-shell me 2 shtresa. P.sh., PERTH, pa membranë qendrore, një mbështjellje shumë praktike dhe e butë për jetën e përditshme.

Çfarë xhakete të veshësh kur fillon moti i ftohtë?

Casual Jacket: xhaketa të shumanshme, të mbushura lehtë

Këto xhaketa me linja të thjeshta karakterizohen nga një stil sportiv chic. Kanë brenda një mbushje të lehtë dhe të rehatshme që ofron ngrohtësinë e duhur gjatë aktiviteteve në natyrë dhe garanton lëvizje maksimale. Fillojmë nga SOUTH R. 2.0, versioni i jelekut të SAILING R. 2.0, i cili tani ka një kapuç të dobishëm të modeluar, deri te modeli sailor NORTH 2.0, i disponueshëm në shumë ngjyra. Të gjitha të bëra me najlon taslon të lehtë dhe sportiv. U është shtuar mikropile në jakë dhe në shpinë, element që i bën këto veshje të sipërme ideale për të përballuar fillimet e motit të ftohtë ose aktivitetet profesionale ku nevojiten veshje të ngrohta, por jo kaba. Ndryshojnë nga aksesorët, si zinxhiri dyngjyrësh, manshetat e rregullueshme dhe prania ose mungesa e kapuçit.

Down Jacket: xhaketa të mbushura me fibra të lirshme

Xhupat me pupla Payper karakterizohen nga mbushja "filled", një mbushje me fibra të vogla e të buta, të cilat u japin butësi këtyre veshjeve të sipërme kazuale. Të lehta si pupla dhe jo kaba, xhaketat DownJ ofrojnë një termoizolim të këndshëm dhe janë më të kërkuarat në vjeshtë ose gjatë ditëve me diell të dimrit. Me një dizajn që nuk del kurrë jashtë mode, të karakterizuar nga qepje në formë shiritash ose me seksione, disponohen me ose pa kapuç, p.sh., FREETIME ose FREELANCE, si dhe në versionin jelek, p.sh., TIME ose MEMORY, për të përmbushur sa më mirë nevojat. Trajtimi i jashtëm kundër ujit bën që këto xhaketa të vishen edhe në shi të lehtë.

Veshje të sipërme super të mbushura kundër të ftohtit të hidhët

Work Jacket: të ngrohtë, të fortë, profesionalë

Xhupat e punës janë zemra e xhupave të mbushur Payper, sepse janë pajisur me kujdes me aksesorë që e ndihmojnë përdoruesin gjatë punës. Të mbushur, me një shkallë të lartë termoizolimi, disa prej të cilëve të nivelit 3, kanë shumë xhepa për të mbajtur rehat gjëra. Ndryshojnë në stil, dhe mund të zgjidhen gjatësi e materiale të ndryshme. Në fakt, gama e gjerë mund të ndahet në xhupa pongee ripstop që janë shumë rezistente ndaj grisjes, p.sh., TORNADO PLUS, një veshje e sipërme me përdorim të trefishtë që përshtatet lehtësisht me çdo ndryshim klimatik ose aktiviteti, dhe xhupa të thjeshtë pongee që janë po aq rezistentë dhe të ngrohtë si ORION 2.0. Disa xhupa pune të mbushur, p.sh., FIGHTER 2.0, kanë edhe mëngë që hiqen për t’i kthyer kollaj në një jelek. Shumica e modeleve kanë shirita mbrapareflektues që të përdoren edhe në rrethana kur drita është e dobët. Këta xhupa janë zgjidhja e duhur kundër të ftohtit në siguri dhe rehati.

Soft-shell të mbushur: rehati dhe ngrohtësi të pashoqe

Të fortë jashtë dhe të butë brenda, xhupat soft-shell të mbushur përfaqësojnë evolucionin e ngrohtë të soft-shell. Modernë dhe superteknikë nga jashtë, plot me detaje dhe shumë të ngrohtë nga brenda, për një mbrojtje të pashoqe nga i ftohti. Mbushja novatore rrit më shumë ngrohtësinë dhe i bën këto veshje të sipërme ideale për të përballuar ditët më të ashpra të dimrit. Përshtatja e shkëlqyer, bashkë me detajet funksionale dhe estetike, i bën xhupat soft-shell të mbushur unikë dhe një ikonë, idealë për t’u veshur në punë dhe në kohën e lirë, për të sfiduar me stil të gjithë elementët. Xhupat Soft-shell të mbushur Payper karakterizohen nga modele dalluese. Nga modeli WISE PAD, një xhup me prerje sportive, i menduar për punë, me elementin "Life-saving", tek CREEK PAD komod e joformal dhe deri te NORDET, me estetikë më urbane.

Këshilla të dobishme për të zgjedhur xhaketën e duhur

Para se të blesh një xhaketë, xhup ose jelek është e rëndësishme të marrësh parasysh kushtet klimatike, llojin e aktivitetit që do të kryesh dhe stilin tënd personal. Nëse dëshiron një xhaketë kazuale dhe praktike që ta kesh gjithnjë me vete, mund të zgjedhësh një xhaketë 4-season. Por, nëse të nevojitet një veshje e sipërme më performuese dhe transpiruese, mund të zgjedhësh një soft-shell. Në pranverë-vjeshtë, kur ulen temperaturat dhe për aktivitete në natyrë, preferohen Casual Jacket dhe Down Jacket, veshje të sipërme izoluese, por në të njëjtën kohë praktike dhe jo kaba. Me temperatura më të ulta, në varësi se ku do të përdoren, mund të zgjedhësh mes Work Jacket, xhupa të mbushur, të përshtatshëm sidomos për punë ngaqë janë më funksionalë dhe të shumanshëm, ose Soft-shell të mbushur, me dizajn më kazual dhe modern, idealë për t'u mbrojtur gjatë ditëve më të ftohta, falë termoizolimit të pashoq.