Standardi EN ISO 20471, i cili disiplinon rregullat për veshjet me dukshmëri të lartë, përcakton tri klasa përkatësie, sipas sipërfaqeve minimale të materialeve fluoreshente dhe mbrapareflektuese që ka veshja.
Dukshmëria e këtyre veshjeve përftohet nga kontrasti i fortë mes vetë veshjeve dhe mjedisit rrethues. Kjo bëhet e mundur nga materiali fluoreshent, i domosdoshëm për t’u dalluar gjatë orëve të ditës, dhe nga materiali mbrapareflektues që kthen mbrapsht dritën që automjetet dhe makineritë projektojnë përmes fenerëve në errësirë.

Jelekët përfaqësojnë kategorinë më të përdorur të produkteve me dukshmëri të lartë, pasi janë shumë të gjithanshëm, të lehtë, të rehatshëm, perfekt për punëtorët që u duhet të lëvizin shumë lirshëm ose për t’u garantuar lehtësisht sigurinë e duhur atyre që i përdorin me raste.

PAYPER, e cila kombinon gjithnjë sigurinë me estetikën, ofron një gamë të re jelekësh që karakterizohen nga detaje novatore dhe dizajne të mbrojtura nga regjistrimi. Fillojnë nga një zinxhir i paimitueshëm, me shirit dyngjyrësh portokalli dhe i verdhë fluoreshent, dhe nga i gjithë zinxhiri i ngjyrave “Freedom Blue”, kokë dhe tërheqëse koke përfshirë.
Janë grupuar në 2 familje stilistike. Në ato me 2 shiritat mbrapareflektues horizontalë klasikë në gjoks dhe në ato ku janë shtuar edhe 2 shirita vertikalë në formë tirandash. Jelekët PAYPER janë krijuar për të përmbushur me stil nevojat e ndryshme të sigurisë të treguara nga 3 klasat e sigurisë.

Klasa 1 – Nivel minimal dukshmërie.
Jelekët e klasës 1 janë të përshtatshëm për rastet ku mjetet lëvizin me shpejtësi më të vogël se 15 km/h, për shembull në rrugë private dhe magazina.
Kjo kategori përfshin jelekë me më pak sipërfaqe fluoreshente dhe mbrapareflektuese, si ACK MESH, EXTROVERT dhe EXTROVERT MESH tanë që kanë në mes një pjesë pëlhure jo fluoreshente, me nuanca me kontrast, si blu marinë dhe jeshile xhelatinë.
2 artikujt me specifikimin “MESH” janë bërë: gjysma me “corn mesh” fluoreshent të lehtë, pëlhurë rrjetë shumë transpiruese, dhe pjesa tjetër me pëlhurë “tricot” me ngjyra të ndezura. KurseEXTROVERT është bërë tërësisht me “tricot”.

Klasa 2 – Nivel i mesëm dukshmërie.
Jelekët me dukshmëri të lartë të klasës 2 janë idealë në sektorë si ndërtimi, transporti dhe logjistika. Janë të përshtatshëm për ata që punojnë pranë rrugëve urbane, ekstraurbane dhe lokale me trafik mesatar, ku shpejtësia është më e vogël se 60 km/h, pranë rrjeteve hekurudhore, si edhe në kantiere.
Këta jelekë kanë shirita mbrapareflektues në trung dhe shpatulla, si ata të mëparshmit të klasës më të ulët, por janë bërë tërësisht me pëlhurë fluoreshente, për një dukshmëri më të lartë të përdoruesit.
Jelekët PAYPER të certifikuar në klasën 2 janë: ACE dhe EXTRA tërësisht me “tricot”, ACE MESH dhe EXTRA MESH me pjesën e sipërme prej “corn mesh”. Këtyre u shtohen 2 artikuj specialë, EXO dhe EXO MESH, që janë me mëngë të shkurtra dhe që rrisin sipërfaqen fluoreshente, duke lejuar që të certifikohen edhe për klasën më të lartë, nga masa L e sipër.

Klasa 3 – Nivel i lartë dukshmërie.
Veshjet e certifikuara në klasën 3 duhet t’i veshin të gjithë operatorët që punojnë ose ndodhen pranë aeroporteve, rrugëve urbane e ekstraurbane, autostradave, zonave të manovrave hekurudhore, dhe në çdo rast ku mjetet lëvizin me shpejtësi më të madhe se 60 km/h.
Këto veshje, përveçse kanë një sipërfaqe më të madhe materiali fluoreshent, duhet të mbulojnë gjoksin dhe të kenë shirita materiali mbrapareflektues te mëngët dhe/ose këmbët e pantallonave, prandaj në përgjithësi janë xhaketa ose pantallona që vishen bashkë mbi një bluzë a diçka të ngjashme.
Jelekët, duke qenë në thelb pa mëngë, mund të hyjnë në klasën 3 vetëm nëse kombinohen me pantallona të gjata që kanë shirita mbrapareflektues, përveç nëse janë dizajnuar me mbrojtje shtesë në krahë.
Pikërisht këtë ka bërë PAYPER. Ka krijuar veshje hibride të pajisura me mëngë të gjata apo të shkurtra, të cilat nuk mund të quhen as jelek, as xhaketë, por janë zgjidhje perfekte për të ndërthurur sigurinë, prakticitetin dhe lehtësinë.
Artikujve të cituar EXO dhe EXO MESH me mëngë të shkurtra, që hyjnë në klasën 3 duke filluar nga masa L, u shtohen edhe LONG EXO dhe LONG EXO MESH me mëngë të gjata, për të garantuar një mbulim dhe dukshmëri më të mirë.

Për të gjetur jelekun e duhur duhet t’u përgjigjesh të paktën këtyre pyetjeve:

• Në çfarë lloj mjedis të brendshëm apo të jashtëm do të mbahet?
Në varësi të shpejtësisë së mjeteve në zonën ku punohet, duhet të përcaktohet klasa e dukshmërisë së përshtatshme dhe të zgjidhen modelet e duhura. Duhet verifikuar edhe certifikimi për çdo masë, si në rastin e artikujve EXO dhe EXO MESH. Nëse shtohet një personalizim në veshje, p.sh., stampim ose qëndisje, duhet kontrolluar me kujdes nëse zvogëlon sipërfaqen minimale të pëlhurës fluoreshente.

• A do të përdoret në një mjedis pune të nxehtë?
Nëse nevoja primare është freskia, modelet e bëra me pëlhurë “corn mesh” janë menduar tamam për të maksimizuar ajrosjen dhe për të garantuar një transpirim të mirë.

• Çfarë funksionaliteti po kërkon?
Nëse ke nevojë për xhepa që të mbash gjëra të madhësive të ndryshme, zgjedhja do të ishin jelekët tanë me dizajn në formë H me shirita mbrapareflektues, pra ata që kanë edhe shirita vertikalë si tiranda, p.sh.: EXTRA, EXTROVERT, EXO, LONG EXO dhe variantet e tyre MESH. Faktikisht këta artikuj kanë 5 xhepa, plus një distinktivmbajtës dhe një ilik shumëfunksional.

• Ç’lloj uniforme dëshiron të krijosh?
Për të kompletuar çfarëdolloj uniforme, jelekët PAYPER ofrojnë një gamë të gjerë zgjedhjesh plot ngjyra për një kombinim kromatik me veshje të tjera, të cilët mund të grupohen kështu:
- njëngjyrësh fluoreshent, të verdhë, portokalli, tani edhe të kuq, te artikujt EXTRA dhe EXTRA MESH;
- dyngjyrësh tërësisht fluoreshent, me kombinime të verdhë dhe portokalli, te artikujt ACE dhe EXTRA;
- dyngjyrësh hibridë, me kombinim materialesh fluoreshente dhe jo fluoreshente, te jelekët e klasës 1, si ACK MESH, EXTROVERT dhe EXTROVERT MESH.