Да се прави за да се создава / Да се биде за да се споделува / Да се лета за да се сонува: овие се вредностите кои ја водат групацијата Пајпер и кои се присутни во целио  производствен процес, бидејќи знаењата за креирање нови производи, нивното споделување со другите и сонувањето на идните и уште попредизвикувачки работи е инклузивна мисија која се реализира благодарение на позитивниот и одговорен придонес на сите вклучени лица и партнери. Поради тоа, Пајпер веќе неколку години во своето управување ги вклучува темите за Корпоративна општествена одговорност, одејќи по еден плоден пат на меѓународни сертификати и најдобри практики за квалитетен, одржлив и етички развој. Сето ова се претвора во способност за интегрирање на деловните активности со почитување и заштита на интересите на заедниците со кои се комуницира, но исто така и со заштита на еколошките ресурси и нивно зачувување за идните генерации.

Групацијата Payper соработува исклучиво со добавувачи-производители избрани со текот на времето преку евалуација на два фактори: високо ниво на стандарди за квалитет на производот и внимание за фер и социјално одговорни услови за работа. Техничките канцеларии постојано ја следат состојбата преку директни контроли и ревизии нарачани од независни меѓународни тела, така што производителите ги исполнуваат високите стандарди наведени во следните регулативи и сертификати.

Корпоративната цел, на среден рок, е постигнување на 100% производство на етички сертифицирани производи преку синџир кој е целосно контролиран, почнувајќи од суровините, преку процесите до готовиот производ. Веќе денес, со приклучување кон програмата Zero Discharge of Hazardous Chemicals [Без ослободување на опасни хемикалии], целокупното производство на Пајпер спаѓа во параметрите на европската регулатива REACH (ЕЗ бр. 1907/2006) која ја евидентира, оценува, одобрува и ограничува употребата на хемиски материи. Меѓу другото, планирано е лансирање на нови линии на маици и дуксери кои се направени исклучиво од органски памук произведен според критериумите одредени од непрофитната организација Better Cotton, чија цел е глобалното производство на памук да стане поодржливо за животната средина и за луѓето кои се вклучени во процесот на производство.

Групацијата Пајпер прави избор за намалување на емисијата на CO2: седиштето е напојувано 100% со обновлива (соларна) енергија и избрани се транспортни компании, воздушни и поморски, од најновата генерација со ниска потрошувачка на енергија и влијание врз животната средина.

Луѓето и благосостојбата на заедницата се во центарот на одговорната визија на групацијата Пајпер, која секогаш работи со почитување на еднакви можности, мултикултурализам, заштита на здравјето и благосостојбата на работникот и неговото семејство. Годишно компанијата поддржува, со доброволен фонд, трошоци поврзани со образование, обуки и специјализирана медицинска нега. Исто така, нуди опрема за иницијативи од социјален и јавен интерес, како што се научни експедиции, хуманитарна помош за Црвениот крст и за населението погодено од природни непогоди и спортски настани за подигнување на свеста за превенција и медицински истражувања.