EN ISO 374

EN ISO 374-1
Стандардот ги специфицира барањата за ракавици наменети за заштита на корисникот од хемикалии врз основа на три методи на тестирање:
- Тест за пенетрација, односно преминот на хемиската супстанција или микроорганизмот преку порозноста
на материјалите, шевовите, можните микро-пункции или други несовршености на заштитната ракавица. Ракавицата не смее да протекува ако е подложена на тестови за задржување на воздух и вода и мора да се тестира и да се провери во согласност со прифатливото ниво на квалитет (AQL).
- Тест за продирање, односно премин на хемиската супстанција преку материјалот на заштитната ракавица на молекуларно ниво, односно се мери времето за кое што течноста ќе дојде во допир со кожата.
- Тест за деградација, односно промена на физичките својства на ракавицата во контакт со хемиски производ, на пример, лупење, отекување, распаѓање, кршливост, промена на бојата, промена на изгледот, стврднување или омекнување. Изложеноста на испитуваната хемикалија мора да биде 60 минути. Резултатите од тестот за деградација мора да бидат наведени во информативната белешка.
 
Ракавиците за хемиска заштита се поделени во три категории: Тип А, Б и В. Соодветните пиктограми и обележувања го опишуваат видот на хемиска отпорност и степенот на перформансите.

EN ISO 374-5
Стандардот предвидува дека ракавиците за заштита од бактерии и габи, на кои се применува пиктограмот за биолошки ризик, мора да го поминат тестот за пенетрација (непропустливост). За заштита од вируси треба да се направи дополнителен тест за вирусна пенетрација. Доколку ракавицата го помине и овој последен тест, зборот „Virus“ се додава под претходниот пиктограм.